كان هناك طفل شقي جدا وعنيد .. كان يسمع كلام والده بصعوبه
ظل الأب يفكر كثيرا كيف يجعله يسمع الكلام .. حتي توصل الي حيله ذكيه
فقال له : اذا طلبت منك طلب وانت مش عاوز تنفذه اكتب ورقة فيها طلبي ده وحطها قدام صورة بابا يسوع قبل ماتنام ولما تصحي شوف هيكتب ويرد عليك ويقولك ايه
وافق الطفل علي الفكرة نظرا لحبه الشديد ليسوع
وفي احدي المرات كتب الطفل في الورقة : يابابا يسوع بابا مش عاوزني اروح رحلة المدرسه وانا عايز اروحها مع اصحابي
ثم وضع الجواب امام صورة يسوع وذهب الي الفراش كي ينام
ثم ياتي الأب في هدوء ليلا بعد ان ينام صغيره ويكتب علي الورقة ايوه ياحبيبي اسمع كلام بابا علشان هو خايف عليك
فيقرر الطفل ان لا يذهب الي الرحله وهو في اشد اقتناع
ومرة اخري يكتب في الورقة : بابا يسوع بابا مش عاوز يشتريلي موبايل وكل اصحابي معاهم موبايلات
ثم يستيقظ يجد والده كاتب له في الورقه : اكيد هيجبهولك ياحبيبي بس مش دلوقتي عشان ظروفه المالية صعبه شوية
يظن الطفل ان يسوع هو من يرد علي اسئلته ولا يعرف ان اباه هو من يفعل هذه الحيله لأقناعه
وتمر الأيام ويمرض الأب ويذهب الي المستشفي
فيكتب الطفل ليسوع : الحقني يا بابا يسوع بابا تعب وراح المستشفي عشان خاطري خليه يخف ويرجعلي بسرعه
ثم ينام وعندما يستيقظ يجد مكتوب علي الورقه
علي فكرة بابا هيخف
وعلي فكرة بابا بيحبك اوي وبيخاف عليك
وعلي فكرة كمان دي اول مرة اكتبلك فيها
----------------------------------------------------
ما اجمل الأيمان بأن الله معنا في اي وقت وفي كل مكان
ما اجمل ان اشتكي له كل همومي واوجاعي واتركها عليه وانام
ما اجمل ان اتحدث اليه في صلاتي ليل ونهار
الرب يمد لك ذراعيه .. فلا تتأخر عليه
من طرف ana bent yasso3 الخميس يناير 22, 2015 11:05 am
