متتعبش نفسك بالتفكير

متتعبش نفسك بالتفكير
+++++++++++
قاعد بتكلم مع نفسى
فى بكره وايامى الجايه
هيحصل ايه وهيجرى ايه
يا ترى هتكون حياتى ازاى

قلبت تفكيرى لانى اتحيرت
فكرت فى الناس اللى حواليا
طب مين بيحبنى ومين بيكرهنى
واللى بيحبنى يا ترى ممكن ينافقنى
طب اللى بيكرهنى
كرهنى ليه وعشان ايه

ملقتش اجابه غيرت تفكيرى
فكرت فى الزمان
ده بيجرى اوام
ولحظه بعد لحظه
ممكن نحس بالندم على اللى كان
ممكن نقول يارتنى ما اتصرفت كده
يارتنى ما عملت كده
او فى لحظه من اللحظات اقول
يارتنى كنت عملت وعملت
بس ده كله بعد ما يعدى الوقت

فكرت فى حاجه تانيه
فكرت فى مشاكلى وحياتى
مشاكل كتيره ملهاش حلول
وهموم كتير مش قادر اشيلها
واسئله ملهاش اجابه

عرفت ساعتها انى عايش تحت سماه
بيرعانى وبيحافظ عليا وبيحمينى
الدنيا والوقت بيعدى لكن انا بتعلم
مشاكل بتيجى وتروح لكن هو بيتصرف
قولت بأعلى صوت عندى
اشكرك يارب
اشكرك يسوع