طابور العيش

موضوع: طابور العيش الإثنين أكتوبر 01, 2012 1:14 am

طابور العيش

الاب : يا هناااء يا هناااء

الام : ايوه يا سي عماد

الاب : شوفي حد ينزل يجيب العيش

الام : يا هاني يا هاني ( هاني ده الابن الكبير) انزل هات العيش

هاني : لييييييه لييييييه طيب مش كنتوا تقولوا من الاول . ما انتي عارفة اني هتجوز كمان ثلاثة ايام لييييه تخلوني ابهدل بنات الناس معايا ليييييييه

الام : خلاص يابني عندك حق

الام: يا هبة يا هبة ( هبة ثانوية عامة ) انزلي هاتي العيش

هبة : اييييه اييييه انتي عاوزة تضيعي مستقلبي .. انتي مش عارفة اني ثانوية عامة وامتحاناتي كمان شهر .. انتي عاوزاني اعيد السنة .. ده ظلم ظلم

الام: عندك حق يابنتي .. توتا يا توتا ( توتا كي جي 3)
توتا: نعم يا مامي
الام: في سرها .. توتا لاء ممكن حد يخطفها وووو لاءا لاء توتا لاء

الاب : يا ولا انا قررت اني انا اللي هنزل اجيب العيش
الاسرة في صوت واحد : لاءاااااااا بابا
الاب: يا ولاد انا عشت كتير وشوفت كتير انتوا اللي لازم تعيشوا وتتمتعوا وتشوفوا مستقبلكوا

يا هاني الفرح يتم في معاده مش يتأجل وانتي يا هبة انا عاوزة طب وانتي يا توتا تنجحي وتخشي كي جي 4

يلا يا توتا خشي حضريلي شنطة العيش

هاني : خلي شنطة العيش عليا انا يا بابا

الاب: انا شايلك يابني للشنطة الكبيرة ...... سلااااام يا ولادي

الاسرة : سلااااااام يا بابا

ومرت سنين وسنين

هاني يتحدث مع زوجته : قومي سكتي الواد ده وجعلي دماغي عمال يعيط من الصبح

الام: اااااه يا هاني لو ابوك كان هنا كان زمانه بيعلب معاه اصله بيحب الاطفال اوي

زوجة هاني : نفسي اشوفه اوي يا هاني بجد

هاني : خلاااااااااااص فاضله ساعتين ويرجع ويجيب العيش بقي

تيك تيك تيك ( ده صوت الباب )

هاني : مين حضرتك

الرجل الغريب : انت اكيييد هاني وانتي اكيد هناء وانتي اكيد هبة وانتي اكيد توتا كبرتي اوي يا توتا وبقيتي عروسة وانتي مييييين بقي انا مسمعتش عنك

زوجة هاني : انا مرات هاني يا خويا وانت تطلع مين بقي

الرجل الغريب : انا زميل الاستاذ عمال في طابور العيش .. الاستاذ عماد مبطلش كلام عنكوا طول الطابور

هناء : و و و وعماد فينه دلوقتي ؟؟

الرجل الغريب : الاستاذ عماد خلااااااااااااااص

الاسرة: بابا لاءااااااااااااااااااااااااااااا لاء متقولش كده لاء لاء لاء

الرجل الغريب : انا قصدي خلاص فاضله نفرين ويجيب العيش ويجي

وبعد يومين

تيك تيك تيك ( برضو صوت الباب )

هبة : مين انت شكلك مش غريب عليا

الاب : مش عارفاني يا هبة انا ابوكي

هبة : يا ماما يا هاني يا توتا بابا جه بابا جه وجاب العيش

الام : حمدلله علي سلامتك يا عماد ايه اللي اخرك كده

الاب: اصل انا نزلت لاقيت طابور العيش مبتدي من اول الفرن اللي جمبنا ونهايته في السلوم

هاني : يااااااااااااااه ده مشوار طويل اوي المهم انك رجعت لينا بالسلامة

الاب: مين بقي اللي هينزل يجيب عيش للايام اللي جاية

» التجلى المجيد ( تجلي ربنا ومخلصنا يسوع المسيح علي طور طابور )
» طريقه عمل العيش الفينو بالمنزل
» بسبب العيش شاهد كم واحد مات
» قنديل:لا زيادة في أسعار رغيف العيش والزيت والبنزين