اصل كلمة ليدز فرست

اصل كلمة ليدز فرست

"ليدز فرست "مصطلح بروتوكولى مشهور لكن........
اصل الموضوع اية بقى؟؟!



كان فية شاب وشابة..بيحبوا بعض لدرجة العشق.. ولما راح لابوها يطلب ايدها.. ابوها رفض وراسة والف شيكارة اسمنت ..ماهم متجوزين..يا عم يهديك يرضيك ..ابداا
.اعدوا الشبان يفكروا هيعملوا اية فى الحيطة السد اللى قدامهم..قام هداهم شيطانهم على فكرة فظيعة قال اية ينتحروا هما التنين ويبقوا زى روميو وجوليت.. المهم راحوا على جبل عالى ووقفوا وقعدوا يتخانقوا
.. هى تقول لة انا اللى هنط الاول وهو يقولها لا انا اللى هنط..وفى الاخر انتصر الرجل وودع حبيبتة وهوب .. اخد رتبة المرحوم ..بعدها بكت السنيورة بكاء شديد.. مش على الجدع المرمى قدامها و متلحوس دم .. لا.بتبكى عشان خايفة.. وبعد شوية تفكير انتصرت الندالة.. ورفضت السنيورة الانتحار.. ورجعت البيت تتاسف لابوها..وفهمتة انها اتخدعت فى واحد كارة الدنيا و خالص يا بابا انا من ايدك دية لايدك دية..راح ابوها مجوزها لابن اخوة اللى مسافر الخليج وعاملة قرشين كويسين...والناس لما عرفوا الموضوع"ما هو ريحة المرحوم بانت وفحفحت" قعدوا يضربوا كف على كف ومن يوميها قالوا اى حاجة بعد كدة تبقى الستات والبنات الاول.. وحطوها بين سطور فن الإيتيكيت..ومن ساعتها طلعت كلمة" ليدز فرست"



ههههههههههههههههههههههههههههه
هههههههههههههههههههههههه
طبعا هزار اوعى حد يصدق