++ حوار مع مقبرة ++

قوليلى مالك يا مقبرة ريحتك حلوة ومعطره
هو انت جالك ملك كبير ولا انت غاوية منظرة
قوليلى واوعى تكدبى ولا انت ناوية تهربى
باين عليكى كدة حويطة وناوية بية تلعبى
قالتلى طب اسمع ياسيدى اصل النهاردة يوم عيدى
جالى النهاردة ساكن عظيم فى الاصل كان راجل صعيدى
صحيت اليوم متشوقة على صوت ازميل ومطرقة
وناس بتجرى شمال ويمين وناس قلوبها محرقة
قولتلهم قولولى فية اية طمنى وحياة ابوك يابيه
قام بصلي والدموع شلال ونازل من عينية
وقالى انت ما درتيش سيدنا مات ومين يعيش
وهو جاى عندك الان منقول بطيارة الجيش
ما عرفتش ابكى ولا اهلل اللى حصل شئ مش قليل
قلبى حزن حزن كبير وبرضة للفرحة بميل
من النهاردة بقى ليا قيمة جوايا جسد قيمته عظيمة
يارب كافئ بطركنا وادية حياه ابدية كريمة